ako ay kasalukuyang inaayos ang bagong lilipatan ng blog na ito. http://beansrepublic.ning.com underconstruction pa. pero pwede na kayo magsign-up dun. salamat !
Ang bawat katapusan ay isang bagong simula, hindi lang natin alam ng mga panahong iyon. Malungkot ang bawat pagtatapos ng bawat bagay, lalo na kung iisipin mo na baka hindi na iyon maulit pa. Wala nang replay para sa mga sabog na Laughing moments at lalong wala ng take two para itama ang mga nabulol na punchline. Sarado ang ating isip dahil hinayaan nating mabalot tayo ng espiritu ng pagdadalamhati, bilanggo sa mga alaala ng nakaraan na alam mong malabong maulit pa. Bawat bagay may hangganan, hindi naman siguro pwede na Grade one ka palagi diba? Nakakatamad din naman manuod pag hindi nagkaron ng ending ang telenovela o koreanovela na paborito mo diba? adrama man ang ending, ito ay hudyat ng isang bagong simula. Ito ang imbentaryo ng mga pinagagawa mo, final output baga. Dito mo malalaman kung bagsak ka ba o pasado sa mga efforts na pinagagawa mo. At ang pinakamaganda dito pwede mo malaman kung ano ang mga typhographical errors na nagawa mo na shempre walang sawa mong uulitin sa next chapter ng buhay mo.
New Season.Bagong hair style, bagong t-shirt, bagong simkard, bagong buhay Ito na ang magsisilbing pangalawang pagkakataon mo para ituwid ang mga balukto’t mong punchline, Tyansa para bilugan ang lahat ng errors at isulat muli kung ano man ang tamang pagbabaybay. Adik ka man dati, heto na ang pagkakataong magbalik loob sa maylikha. Kung anti-christ ka dati, magbible study ka para maiba naman. At malay mo maging mabait sayo ang kapalaran, ditto sa bagong season ng nobela mo makilala mo na ang true lab mo. Ayos diba? Malay mo at malay ko din mas maging masya ka na ngayon tama ? Marami ang pwedeng mangyare mas masasayang mga adventure.
Ang pagkawala ng isang mahalagang bagay ay hindi pagsuko, ipinapasa mo lamang sa ibang tao ang responsibilidad na na sayo dahil iyon ang ikabubuti ng bawat isa. Tandaan mo hindi “weak” ang pagiwan sa nakaraan o sa isang mamahaling beyblade. Sapat na ang kakayanan mong ipaubaya sa iba at iwan kung ano ang pinakaiingat-ingatan mo para tawagin kang “strong”.
Bawat sakripisyo at luha ay may kalakip na kaligayahan (doble pa!). Ang bawat pagdurusa ay may kalakip na kaginhawaan. Ang bawat nawawala ay may kapalit. At ang bawat kamalasan ay may kalakip na swerte pwera nalang kung may balat ka sa pwet o may puno kayo ng papaya sa harap ng bahay nyo dahil iyon ay pinaniniwalaang nagtataboy ng swerte. Dahil sabi nga nila na ang mabait na bata ay kinukuha ng maaga ni Lord.
LUYA. Hindi mapait hindi matamis. Ito ay ang pinagsamang salita ng LU-ha at sa-YA kaya nagging Luya. Naniniwala ka pa bas a akin? Sana oo. Apir tayo bords ! Hindi kop ala alam kung bakit luya ang ginawa kong title ditto. Wag ka na magtanong ok!
Wrongsent (rông’sent) ¹ – ang mensaheng naipadala sa maling tao ng hindi sinasadya. Epekto ng katangahan o kawalan ng presensya sa pag-iisip kaya maling karakter ang napipindot.
Exempli Gratia:
Estupidyante: tra pre gala tau. (Isesend dapat sa numero ni Inggo pero naisendsa numero ni Itay) Itay: ANAK, AKALA KO B GGWA KYO NG GRUP PROJE ? ABA INUMAN LNG PLA INAA2PAG MO! UMUWI KA AGAD S BHAY MGUUSP TAYO!
Wrongsent (rông’sent) ² – Modus Operandi ng mga nakikipag teksmeyt. Kunyare maling number ang nai-type pero habang tumatagal ay inuuto kana at inaalok ka na maging mag-kaybigan kayo.
Exempli Gratia:
Boy:hi. Inday:WHO D HELL R YOU. F*#%^Ng bastard?! Boy:huh? Your blood is so high! I am good, I am kool ! btw. Can u b my txtm8? Inday:Sorry, Im just in state of fatigue. Well, I’m Rosalinda Maria Luz Joy Soriano but you can col me inday for short. How bout ye? Boy:Ako nga pla si Sulpicio Brix, aq ung drayber ng nsa tapat niyo. Prens na tau ha? Hehehe. Muah! Ay teka ipagddrayb ko pa si sir. Teks you later! (at kinilig naman si Inday)
Wrongsent (rông’sent) ³-Numero Unong kinakatakutan mangyari ng mga two tymer dahil maaaring magdulot ito ng World War III. ViCEVERSA. Pinaka-epektib na ebidensya sa mga nagkukunwaring hindi ka niloloko.
Exempli Gratia:
BF:Hon, wat tym kta sunduin mea? GF:huh? CNONG HONEY KA JAN!? SAKA BAT MKO SUSUNDUIN WLA TYO PASOK NGAUN?! BF:ai sori mahal! Aa.. eh.. yung friend ko yun na bading nagpapasundo saken! (PALUSOT. Bistado na nga.)
Wrongsent (rông’sent) ⁴-Dahil sa sobrang sanay ka na kateks ang isang tao kaya siya parin ang nasa isip mo kahit ibang tao na ang iteteks mo.
Exempli Gratia:
Guy:O cge pre, magkano nab a ang gagamba ngaun jan? Girl:gagamba? Wrongsent ka labs. Si Boy Gagamba ata tineteks mo e. Maki2sabong ka nnman ng ggamba mo. Tss. Guy:Ay oo, enxa na labs! May bgong breed dw kxe ng gagamba kya balak q bmili.
Wrongsent (rông’sent) ⁵-Ang pakulo ng mga pampam o mga kulang sa pansin. Kunyare na-wrongsent pero ang totoo ay gusto lang niya magkateksan kayo. Gawain ng mga nahihiyang mag first-move.
Exempli Gratia:
Ex GF:Hoy asan ka nba? kanina pa ko naghihintay d2! Ex BF: huh? And2 ko sa bahay. Xsent ka ata e. Ex GF:ay sorii, wrongsent pla ko. Hehe. Musta n pla? May GF kna daw ulet ha? Longtym no teks . Namiss 2loy kita :(
Hindi ka ba nangangamba ngayong nalagasan na ng isa ang mga Zaido? Wala na si Zaido green, mukhang hindi natagalan ang longtime vacation ng pagiging superhiro kaya tuluyan nalang nagretire sa posisyon. Ang kinakatakot ko lang naman ay baka mabalitaan ito ng mga Kuuma at muli nilang tangkain na sakupin ang ating pinakamamahal na mundo. Baka hindi na makayanan ni Zaido Blue at Red, mahina na ang pwersa ng kabutihan. Malamang matuluyan na tayong makidnap at gawing alipin ng mga Kuuma, at ang masaklap pa ay pipilitin nila tayong sayawin ang kanilang korning korning dance step na kuuma dance. Wag naman sana dahil baka lahat ng rakista ay mag-convert na sa pagiging emo at mag gustuhin pang magsuicide nalang. Sana bago mangyari ang delubyo ay mahanapan agad ng karelyebo itong si Zaido green. Magpa-audition kung kinakailangan, mag-advertise sa TV o sa NET, magpatalent search o magpa-raffle para lang masolsyunan ang problema.
Pero kung walang makapasok sa qualifications bilang maging Zaido Green heto ang ilan sa pwede nating pagpilian na pang susbstitute na superhiro:
A) Mang Jose – Sa pangalan palang pinoy na pinoy na, siguradong maaasahan pero pag tapos na ang laban maglalabas na siya ng bill. Mahal kaya talent fee niya? Baon na nga sa utang ang Pinas me dagdag pang bayarin kung sakali. Lugi tayo dito pero me diskwento naman siguro tayo dahil kababayan natin siya.
Theme Song:
“ Mang Jose, Mang Jose ang superhirong pwedeng arkilahin “
B) Wonder pets- small time superhiros, tatlo ang miyembro nito: isang daga, isang sisiw, at isang pagong. Sila ay napakamatulungin, walang talent fee. Magaling din silang kumanta na talaga nga naming nakakahalina sa pandinig. Isipin mo may libreng pa-concert na , may libreng tagapagligtas ka pa.
Theme Song:
“Wonder pets ! Wonder pets ! Anjan na kami. Ano ang kailangan (magtulungan) Ano ang kailangan (magtulungan) Hindi malalaki at hindi malalakas Basta’t sama-sama lahat malulutas Go Wonder Pets !“
C) Liga Insekta – (tama ba? Medyo sinumpong ako ng memorygap ko) Lider ng grupo ay si Gagambino at kasama niya dito ang tatlo niyang chiks. Isang maty lahing bubuyog, isang may lahing alakdan at isang may lahing mantis.Medyo heavy ang mga labanan na kinakasangkutan nila kaya malamang medyo may kamahalan ang kanilang talent fee. Animal lovers itong grupo na ito dahil may side kick pa silang dambuhalang gagamba na si Gambit. (ok siguro panglaban si Gambit sa sabong ng gagamba.)Kewl dib a?
Theme Song:
“ Gagambino .. “
(Inatake nanaman ako ng memorygap, ayan lang naalala ko sa theme song nila. KUNG ALAM MO YUNG THEMESONG NILA IBIGAY MO SAKIN. SALAMAT)
D) Santino – ang batang madasalin. Kung tight talaga sa budget pwedeng siya nalang ang ating lapitan, libre ang kanyang serbisyo. Malakas ang kapit niya kay Bro kaya nman lagi siya nitong tinutulungan. Isa lang ang kanyang sandat at iyon ay ay pananampalataya, so kung anti-bro ka baka hindi agad gumana ang powers ni Santino pag nakikipaglaban sa pwersa ng kasamaan.
THEME SONG:
(PAKISEND DIN SA AKIN NG MAG NAKAKAALAM NG LYRICS NG THEMESONG NIYA.)
ang iyong pagdaramdaaaam! Idalangin mo sa maykapaaal!nasa puso mo...!
** salamat kay 'KAY' na nagsend ng lyrics hehe.
E) Super Inggo- Isa na sa mga legend at kinagiliwan ng mga batang manunuod. Anak siya ni super inday at ni Islaw. Si Inggo yung pormang taong grasa na madaming kulay ang buhok, siya din ata ang tumalo kay prince of darkness. Mas ok sakin yung pambansang bespren ng bayan kaso wala ata siyang powers. Hindi ko sigurado kung mahal talent fee niya, mas mabuti kung mag inquire muna tayo sa ABS.
THEME SONG:
“ Lilipad ako para lang sayo. Blah blah blah.. Ikaw ang aking superhiro “
(Tama ba lyriks ko? yaan mo na kung mali. )
Pero kung no choice na talaga at ayaw mo umabot sa puntong sasayaw ng kuuma dance ito nalang ang natitirang paraan. Ito nalang ang paraan , last option para maisulong ang kampanya para sa katahimikan at kapayapaan. Nakuha ko ito sa t-shirt ko dati na may butas na ngayon. Garantisado isandaang porsyento hindi na tayo magugulo ng kahit sinong alien.
Nangarap akong sumikat minsan sa buhay ko at nauwi ang lahat sa kahihiyan na habang buhay kong dadalhin. Masaklap. Ang ang lahat ng ito ay dahil sa isang saging. Matagal nang nangyari ang lahat pero ang alamat ng gloria ay sariwa parin sa bawat isang saksi.
Heto ang kwento. maupo ka at mag-usap tayo.
Isang araw may nagdala ng saging dito sa aming kabahayan, di ko namaalala kung saang planeta ba nanggaling iyon baka sa planet of the apes, tama doon nga!. Mga ilang tali din ang dinonate samin kaya naman tuwang tuwa ang lahat dahil me panghimagas na kami pagkatapos ng agahan , panghimagas pagkatapos ng pananghalian, panghimagas pagkatapos ng miryenda at panghimagas pagkatapos nghapunan. ayos !
At dumating na ang pinakahihintay na pagkakataon ng lahat : ang paglamon sa mahiwagang saging. Busog na sa pananghalian kaya masaya ang mood ng lahat nasa mood mang-asar. At sa wakas may naglakas loob na mang alok ng mahiwagang saging, kanya kanyang kuha ang bawa't isa habang nagniningning ang mga mata. Habang hawak nila ang maliliit na saging biglang gumana ang aking mga mumunting cell neurons.
TING !!
Ito na ang chance para magpasikat. Ayan ang sinisigaw ng mga alaga kong bulate sa tiyan. Ito na ang moment para bumilib sila sa akin. At ang tanging oportunidad para maging favorite na nila ko dahil ako'y magiging henyo na ako sa paningin nila. Ikinumpas ko ang aking kamay sa kanila na hudyat para kumalma muna sila. Masunuring mga hayop sila, dagli silang tumahimik at nagbehave.
"Hulaan ko kung ano yan" Basag ko sa katahimikan at buong pagmamalaki kong binigkas ang bawat kataga. May dignidad at may paninindigan.
"Ano?" Paghahamon ng isa sa mga audience ko habang binabalatan na nila ang kanikanilang mga bubot na saging. Ito na ang pinakahihintay kong chance, THIS IS IT ! huminga ako ng malalim at ibinulalas ko ang pinakahihintay nila na salita. Bahagyang nag slow motion ang lahat at naghihintay ang lahat sa aking mkapangyarihang salita. (SFX:drum roll please)
"GLORIA !" Sabay turo ko sa kanilang hawak na mahiwagang saging. Tumigil ang mundo at gulat na gulat sila. Ilang segundo naghari ang katahimikan.
Humalakhak sila. Humalakhak ng pagkalakas lakas na halos masira ang aking ear drums. Saka lang ako nahimasmasan ng tanungin nila ako ulit kung ano ulit yon. Nagising ako sa katotohanan at nagtataka kung bakit Gloria ang nasabi ko imbes na senyorita. Dyahe talaga. Alam kong senyorita yon pero iba ang nasabi ko. sablay !
Tawa sila ng tawa at halos makapos pa sa hininga. Napahiya ako ng bahagya at huli na ang lahat para maisalba ko pa ang aking reputasyon.
" AY SENYORITA PALA ! " pahabol ko baka sakaling makalusot sa kanila at maisip nilang nagkamali lang ako ng pagkakasabi. Pero huli na ang lahat huli na at wala nang second chance para mag move-on.
Mula noon ang GSenyorita ay pinangalanan nang Gloria, At ako ang may kasalanan noon. Ini-instant replay nang karumaldumal na eksena sa tuwing may saging na Senyorita sa bahay. Wala na akong magawa kaya pilit na ngiti nalang ang isinusukli ko sa kanila tuwing may replay na eksena.
Oo, nangarap akong magyabang at aminado ko doon. Dapat pala tumahimik nalang ako para hindi nangyari ang lahat pero gaya ng kasabihan nasa huli ang pagsisisi at sinisisi ko ang saging sa kahihiyan kong iyon. Ngayon ito ay isa ng alamat, alamat na nakakabit sa aking pagkatao at habang buhay kong panghahawakan.
Tandaan na ang maliliit na saging sa hindi na Senyorita ang tawag, kundi Gloria. Gloria. Gloria. at Gloria lamang. OK ! Bawal umangal. Damayan mo ako please?
5 dahilan kung bakit makabuluhan ang pag-inom ng kape.
Epektib na pangpatanggal antok.
Epektib na pangbawas hang-over.
Epektib na pangpakalma. (may anti-oxidant kasi)
Epektib na pangpainit.
Epektib na partner ng matigas na pandesal.
Iba-iba ang kape. May presyong ginto at may presyong pang masa. May kapeng special at may ordinary na lasang kahoy. May malamig at may mainit meron ding maligamgam kung iyon ang hiyang sayo. Pwedeng may evap o creamer, asukal na puti o asukal na segunda o sugar free para sa mga diabetic. May black cofee at may makulay na kape. bawa't tao kanya kanyang timpla, depende sa pagkatao. Iba't ibang preferred seasonings pero kape padin.
Umaga nanaman at hindi buo ang araw ko pag hindi ako nakalagok ng kape. Oo kape nga. Ito ang food supplement ko simula bata pa ako. Ito ang drogang kumapit na sistema ko na hindi ko kayang tanggalin.
Kumukulong tubig , dalawang sachet ng kreamer, Isa't kalahating kutsara ng asukal at kalahating kutsara ng kape yan ang formula ng aking kape. Tamang tama panggising sa bawat umaga kong lumilipad pa sa panaginip. Sapat na para ikalma ang aking pagod na isip sa pagiisip kung pano ako magkakapera. At swak na swak nang pang painit sa bawat umagang mahamog.
May timer din ang pag-inom ng kape kaya hindi ito basta basta. Hindi pwedeng patagalin ang pagtambay nito dahil mawawala ang aura sa ibabaw ng iyong mug at hindi rin pwedeng isang shot lang ang kumukulong kape kung ayaw mong malapnos ang esophagus mo. Dahan dahan dapat, dahan dahan hanggang sa maramdaman mong ito'y sumasanib na sa kaluluwa mo. Isipin mong ito ang cleanser na lilinis sa bawat latak ng alak na nakaimbak sa bawat gilid gilid ng bituka mo at ang magtatanggal sa bawat nakabarang mantika at tinga sa mga ugat mo.
Isang mug ng kape. Sapat na para imulat ang pikit kong mata at para ipaalala sakin na simula na ulit ng isang panibagong araw. Isang kape. kalimutan na ang kahapon, kalimutan na ang palpak na timpla na kape ng nanay mo. Panibagong Kape. Panibagong Lasa.
" Burp!"
Ubos na pala ang kape ko di ko namalayan. Na high nanaman ako kung anu ano tuloy ang nasabi ko sayo, lahat ng nabangggit ko epekto lamang yan ng paginom ko ng kape. maniwala ka man o hindi.
kape.
kape.
kape.
" adikk ako.. sa.. kape ! "
BREAKING NEWS:
ISANG MINOR DE EDAD NA NAPAPABALITANG ADIK SA KAPE
